શું તમે પણ ઘરે ગેસ ગીઝર વાપરો છો? અકસ્માતથી બચવા જાણી લો આ વાત

નવી દિલ્લીઃ શિયાળો આવી ગયો છે એટલે હવે ગેસ ગીઝરની જરૂર પડશે. ન્હાવા માટે લોકો ગરમ પાણી કરતા હોય છે. તેના માટે ગેસ ગીઝર યુઝ કરતા પહેલાં તમે પણ આ વાત જાણી લેજો નહીં તો ભઆરે સમસ્યાનો સામનો કરવો પડી શકે છે. ગેસ ગીઝરને કારણે અનેક લોકોને અકસ્માતનો સામનો કરવો પડ્યો છે. ઘણાં કિસ્સાઓમાં આ અકસ્માત એટલો ભયાનક હોય છેકે, વ્યક્તિએ મોતને ભેટવાનો વારો આવે છે. થોડા સમય પહેલાં જ ઉત્તર પ્રદેશ બોર્ડર અને દિલ્લી બોર્ડર નજીક આવેલ ગુરુગ્રામમાં હોટલના બાથરૂમમાં ગેસ ગીઝર પડવાથી એક વ્યક્તિનું મોત થયું છે. અગાઉ એક બાળકોનું પણ આજ રીતે મોત નીપજ્યું હતું. જેમાં પીએમ રિપોર્ટમાં મોતનું કારણ કાર્બન મોનોક્સાઇડ ગેસ જણાવવામાં આવ્યું હતું.

વાસ્તવમાં, ગેસ ગીઝરમાં કાર્બન મોનોક્સાઇડ ગેસ હોય છે. જે લીકેજના કારણે અનેક વખત આવા અકસ્માતો સર્જાય છે અને લોકોને જીવ ગુમાવવો પડે છે. જો કે, એવું ન કહી શકાય કે દરેક ગેસ ગીઝર વ્યક્તિના જીવનને જોખમમાં મૂકે છે. ગેસ ગીઝરનો ઉપયોગ કરતી વખતે સાવચેતી ન રાખવાથી અને થોડી બેદરકારીને કારણે ઘણી વખત આવા અકસ્માતો થાય છે. ચાલો જાણીએ ગેસ ગીઝર શું છે અને તેનો ઉપયોગ કરતી વખતે શું સાવચેતી રાખવી જોઈએ…

શું હોય છે ગેસ ગીઝર?
ગેસ ગીઝર દ્વારા પાણી ગરમ કરવામાં આવે છે. ઘણીવાર તમે ઘરો અને હોટલોના રૂમમાં બાથરૂમમાં ગેસ ગીઝર જોયા હશે. શિયાળામાં તેનો ઉપયોગ વધી જાય છે, કારણ કે આ સમયે ગરમ પાણીની જરૂર પડે છે. ઘરોમાં એલપીજી ગેસ દ્વારા પાણી ગરમ કરવાથી ગેસનો વપરાશ અને ખર્ચ વધે છે, જેના કારણે લોકો વારંવાર બાથરૂમમાં ગેસ ગીઝર લગાવે છે.

ગેસ ગીઝર નંખાવતા પહેલા કે ઉપયોગ પહેલા આટલી વાતોનું ધ્યાન રાખો-
ખાસ ધ્યાન રાખો કે ગેસ ગીઝર એવી જગ્યાએ ન મુકો જ્યાં આખી જગ્યા ભરાઈ ગઈ હોય. બાથરૂમ અને રસોડામાં પણ તેને લગાવતી વખતે ધ્યાન રાખો કે આસપાસ જગ્યા હોય અને હવાની યોગ્ય વ્યવસ્થા હોય. જો તમે તમારા ઘરના બાથરૂમમાં ગેસ ગીઝર લગાવી રહ્યા છો, તો ધ્યાન રાખો કે ત્યાં વેન્ટિલેટરની જગ્યા છે.

બાથરૂમમાં ગેસ ગીઝરનો ઉપયોગ કરતી વખતે એક્ઝોસ્ટ ફેન ચલાવો. જો તમારા ગેસ ગીઝરમાંથી કોઈ પ્રકારનું લીકેજ થતું હોય તો તેનો ઉપયોગ ન કરો અને સમયાંતરે ગેસ ગીઝરને ચેક કરતા રહો જેથી કરીને કોઈપણ પ્રકારની દુર્ઘટનાથી બચી શકાય. આખો દિવસ ગેસ ગીઝર ન ચલાવો. જો ઘરમાં એક કરતાં વધુ લોકો તેનો ઉપયોગ કરતા હોય તો યોગ્ય ગેપ કરીને જ ગેસ ગીઝર ચલાવો. જો ગેસ ગીઝરમાંથી ગેસ લીક ​​થઈ રહ્યો છે અને તમને ઉધરસ અને ગૂંગળામણની ફરિયાદ છે, તો તરત જ ગીઝર બંધ કરો અને હવાની અવરજવરવાળી જગ્યા પર જાઓ.

વાસ્તવમાં, જો તમે ગેસ ગીઝરમાં હાજર કાર્બન મોનોક્સાઇડ ગેસનો થોડોક પણ શ્વાસ લો છો, તો તે તમારા જીવનને જોખમમાં મૂકી શકે છે. કાર્બન મોનોક્સાઇડની વધુ માત્રાવાળા વાતાવરણમાં શ્વાસ લેવાથી શરીરમાં ઓક્સિજનનું પ્રમાણ ઘટી જાય છે અને વ્યક્તિ મૃત્યુ પામે છે.